නවගමුව ඓතිහාසික සත්පත්තිනි මහා දේවාලයේ තොරතුරු ඇතුළත් නිල වෙබ් අඩවිය ජනගත කිරීමේ උත්සවය ශ්‍යාමෝපාලි මහා නිකායේ ශ්‍රී කල්‍යාණ සාමග්‍රී ධර්ම මහා සංඝ සභාවේ අතිපූජ්‍ය මහා නායක මල්වානේ පඤ්ඤාසාර නාහිමිපාණන් වහන්සේගේ ප්‍රධානත්වයෙන් 2025 අගෝස්තු මස 08 ක්වූ නිකිනි මස පුන් පොහෝ දින පෙරවරුවෙහිදී පැවැත්විණි
නවගමු පුදබිමට අදාළ ඓතිහාසික පසුබිම චාරිත්‍ර වාරිත්‍ර සහ කාලීන තොරතුරු පිළිබඳව බැතිමතුන් වෙත නිවැරදි තොරතුරු ලබාදීම මෙහි අරමුණයි.
එමෙන්ම නවගමුව විහාරස්ථානයේ ශ්‍රී ප්‍රඥාසේකර පුස්තකාලයේ පවතින වැදගත් ඓතිහාසික තොරතුරු මේ ඔස්සේ සංරක්ෂණය කෙරේ.
මල්වානේ පඤ්ඤාසාරමහා නායක මාහිමියන් මෙම අවස්ථාවේදී සඳහන් කරන ලද්දේ මුඛ පරම්පරාගතව සහ ලේඛනගතව පැවති වැදගත් සංස්කෘතික හර පද්ධතියක් මෙතැන් සිට ඩිජිටල් අවකාශය ඔස්සේ සුරක්ෂිත කර අනාගත පරපුරට දායක කෙරෙනු ඇති බවයි.
වර්තමාන තරුණ පරම්පරාව පොත්පත් පත්තර කියවීමට ලිවීමට වඩා ඩිජිටල් අවකාශය තුළින් කියවීමට ලිවීමට දරණ උනන්දුව සමග මෙමනව ප්‍රවේශය සමපාත වනු ඇතැයිද උන්වහන්සේ සඳහන් කළහ.
කොල්ලූපිටිය වාලුකාරාමය ඇතුළු පංච මහා විහාරාධිපති ශ්‍රී කල්‍යාණ සාමග්‍රී ධර්ම මහා සංඝ සභාවේ රත්මලාන විහාර පාර්ශවයේ උපාධ්‍යාය මහරගම නන්ද නායක ස්වාමීන් වහන්සේ, නිට්ටඹුව සාරිපුත්‍ර අධ්‍යාපන විද්‍යා පීඨයේ හිටපු පීඨාධිපති මාලසිංහ ගොඩ බෞද්ධ මධ්‍යස්ථානාධිපති කොටගම වාචිස්සර නායක මාහිමිපාණන් වහන්සේ, බෝමිරිය ජාතික පාසලේ විශ්‍රාමලත් නියෝජ්‍ය විදුහල්පති, බෝමිරිය අශෝකාරාමාධි පති ඕකන්දයායේ අරියජෝති, නායක හිමිපාණන් වහන්සේ නවගමුව ශ්‍රී සුගත බිම්බාරාම විහාරාධිකාරී ශාස්ත්‍රපති උඩුගම ධම්මික හිමිපාණන් වහන්සේ, කඩුවෙල උතුරු ශාසනාරක්ෂක බල මණ්ඩලයේ ලේඛකාධිකාරී කොරතොට රාජමහා විහාරාධිකාරී් හබරකඩ සුමන සාර ස්වාමීන්ද්‍රයන් වහන්සේ. වරපලාන ජිනේන්ද්‍රාරාමාධිපනවගමුවේ විමලධම්ම හිමිපාණන් වහන්සේ ඇතුළු මහා සංඝරත්නය සහ ගිහි පැවිදි විශාල පිරිසක් මෙම උත්සවය සඳහා එක්ව සිටියහඋත්සවයේදී මහානාහිමියන් පවසන ලද්දේ වසර දහස් ගණනක් පැරණි ඓතිහාසික පුදබිමක් සම්බන්ධව උරුමය අනාගත පරපුර උදෙසා සුරක්ෂිත කිරීම වෙබ්අඩවිය නිර්මාණය කිරීමේ අරමුණු බවයි.
නවගමූ සත්පත්තිණි මහා දේවාලය පිළිබඳව වැදගත් ඓතිහාසික මෙන්ම කාලීන තොරතුරු සඳහා පිවිසීමට මෙම වෙබ් අඩවියට https://paththinidevalaya.com/ ඔස්සේ පිවිසීමට අවකාශ සැලසෙයි.
මෙම අවස්ථාව සඳහා හිටපු අමාත්‍ය ආචාර්යවිජයදාස රාජපක්ෂ, කඩුවෙල නියෝජ්‍ය නගරාධිපති ශාන්ත ජාගොඩආරච්චි, නාගරික මන්ත්‍රී කේ චන්ද්‍රසේන, බෞද්ධ කටයුතු කොමසාරිස් (සංවර්ධන) අසේල මදුශංක, වෙබ් අඩවි නිර්මාණ උපදේශක නීතිවේදී චමින්ද ගමගේ, සම උප සභාපතිවරු වන දේශමානය නිමල් පඬුවාවල දේශාන් අත්තනායක දායක සභාවේ සම ලේකම්වරු වන තිලක් චමින්ද රංජිත් කුරුවිට ආරච්චි, සංවිධායක ප්‍රසන්න විජේසුන්දර, අවට පාසල්වල විදුහල්පති වරු බහුජන සංවිධාන වල සාමාජිකයන් ඇතුළු විශාල පිරිසකඑක්ව සිටි අතර වැඩසටහන මෙහෙයවීම ප්‍රවීණ නිවේදක පත්මසිරි ගුණවර්ධන මහතා විසින් සිදු කරන ලදී.
Please follow and like us:
